Bajrami – Muratit: Po na përqeshë përditësimin e programit

19:48 | 23 Janar 2025
H.E

Kandidatja për deputete nga LDK, Hykmete Bajrami ka reaguar pasi ministri i Financave, Hekuran Murati ka akuzuar opozitën se po premtojnë gjëra që janë realizuar nga pozita.

Me anë të një postimi në Facebook, Bajrami tha se Murati po e përqeshë përditësimin e programit të LDK-së ndërsa ka akuzuar ministrin se po garojnë në zgjedhje pa program.

“Hekurani, e paska përjetu rëndë tubimin e LDK-së në Gjakovë. Edhe të kuptojmë se ke pasë mendu që në vitin 2025 përseritet historia e vitit 2021. Jo zotri, ke qeverisë 4 vjet, nuk e ke asnjë sukses. Ani kush po na përqeshë që po e përditësojmë programin, ai i cili po garon në zgjedhje pa program, ai i cili e pat përditësu raportin e auditimit, disa muaj pas publikimit. Qysh mbet premtimi i Albinit për rrugën Prizren – Tetovë, a po e ndërtoni edhe njëherë?”, ka shkruar Bajrami në Facebook./Arbresh.info